جامعہ کا تعارف

جامعہ بنات عائشہ، ڈھوک حاجی خالقداد، نیو چاکرہ روڈ، راولپنڈی میں واقع ایک معتبر اور قدیم ادارہ ہے، جو ایک طویل عرصے سے طالبات کو قرآن و سنت کی روشنی میں دینی تعلیم و تربیت فراہم کر رہا ہے۔ اس جامعہ سے اب تک سینکڑوں بچیاں فارغ التحصیل ہو چکی ہیں، جو زندگی کے مختلف شعبہ جات میں دینی خدمات انجام دے رہی ہیں۔

یہ ادارہ راولپنڈی میں بنات کے لیے سب سے بڑا اور نمایاں مرکز ہے، جس کی کئی شاخیں بھی قائم ہیں۔
اس ادارے کی بنیاد اللہ تعالئ کی توفیق اور اُس کے فضل سے حضرت مولانا شفیق الرحمٰن نقشبندی مدظلہ العالی نے ربیع الاول 1423ھ، بمطابق جون 2002ء میں رکھی۔

حضرت مولانا کی اہلیہ محترمہ نے ناظرہ قرآن کریم اور تفسیر قرآن کریم کی تدریس سے اپنے گھر کے ایک کمرے میں اس دینی خدمت کا آغاز کیا۔ صفِ اوّل کی طالبہ محترمہ، اہلیہ چوہدری محمد اعجاز صاحبہ، اپنی تعلیم کے ساتھ ساتھ مدرسہ کی ممد و معاون رہیں اور آج بھی مسلسل اس دینی خدمت میں مصروف عمل ہیں۔

جب مدرسہ کی جگہ ناکافی ہوگئی تو حاجی چوہدری محمد اقبال مرحوم کے خاندان نے ایک وسیع قطعہ اراضی جامعہ کے لیے وقف کیا، یہ سب کچھ محبوب العلماء و الصلحاء حضرت پیر ذوالفقار احمد نقشبندی مدظلہ العالی کی سرپرستی اور دعاؤں کی برکت سے ہے اور جامعہ حضرت مولانا شفیق الرحمٰن نقشبندی مدظلہ العالی کے ذیر اہتمام روز بہ روز ترقی کی منازل طے کر رہا ہے اور تعلیم و تربیت کا ایک ممتاز ادارہ بن چکا ہے۔